வக்ஃப் சட்ட மசோதா:
- நாடாளுமன்ற கூட்டுக் குழுக் கூட்டத்தில், வாக்கெடுப்பு முறையில் வக்ஃப் (திருத்தம்) மசோதா வரைவு அறிக்கைக்கு ஒப்புதல் அளிக்கப்பட்டது.
- வக்ஃப் (திருத்தம்) மசோதா, 2024 இன் நோக்கம் வக்ஃப் சொத்துக்களை ஒழுங்குபடுத்துதல் மற்றும் நிர்வகிப்பதில் உள்ள சிக்கல்கள் மற்றும் சவால்களை சரிசெய்வதற்காக, வக்ஃப் சட்டம் 1995 ஐ திருத்துவதாகும்.
- திருத்த மசோதா இந்தியாவில் வக்ஃப் சொத்துகளின் நிர்வாகம் மற்றும் நிர்வாகத்தை மேம்படுத்த முயல்கிறது.
- இது முந்தைய சட்டத்தின் குறைபாடுகளை நீக்கி, சட்டத்தின் மறுபெயரிடுதல், வக்ஃப் வரையறைகளை புதுப்பித்தல், பதிவு செயல்முறையை மேம்படுத்துதல் மற்றும் வக்ஃப் பதிவுகளை நிர்வகிப்பதில் தொழில்நுட்பத்தின் பங்கை அதிகரிப்பது போன்ற மாற்றங்களை அறிமுகப்படுத்துவதன் மூலம் வக்ஃப் வாரியங்களின் செயல்திறனை மேம்படுத்துவதை நோக்கமாகக் கொண்டுள்ளது.
- இந்தியாவில் வக்ஃப் சொத்துக்களை நிர்வகிப்பதற்கு காலாவதியானது மற்றும் போதுமானதாக இல்லை.
- வக்ஃப் சட்டம், 1995 இன் கீழ் வக்ஃப் சொத்துகளின் நிர்வாகம் மற்றும் நிர்வாகத்தில் சீரான தன்மை, வெளிப்படைத்தன்மை மற்றும் பொறுப்புணர்வை உறுதி செய்வதை இந்த ரத்து நோக்கமாகக் கொண்டுள்ளது.
- வக்ஃப் என்பது இஸ்லாமிய சட்டத்தின் கீழ் மத அல்லது தொண்டு நோக்கங்களுக்காக பிரத்தியேகமாக அர்ப்பணிக்கப்பட்ட சொத்துக்களை குறிக்கிறது, மேலும் சொத்துக்களை வேறு எந்த உபயோகமும் அல்லது விற்பனையும் தடைசெய்யப்பட்டுள்ளது.
ரூ 34,300 கோடி முதலீட்டில் தேசிய முக்கிய கனிமங்கள் திட்டம்:
- ரூ 34,300 கோடி முதலீட்டிலான தேசிய முக்கிய கனிமங்கள் திட்டத்துக்கு பிரதமா் நரேந்திர மோடி தலைமையிலான மத்திய அமைச்சரவை ஒப்புதல் அளித்தது.
- இதில் மத்திய அரசின் பங்களிப்பான ரூ 16,300 கோடிக்கு ஒப்புதல் அளிக்கப்பட்டுள்ளது.
- எஞ்சிய ரூ 18,000 கோடி நிதி, பொதுத் துறை நிறுவனங்களால் முதலீடு செய்யப்படவுள்ளது.
- வேகமாக வளா்ந்துவரும் தூய எரிசக்தி தொழில்நுட்பங்கள் மற்றும் காற்றாலை உள்ளிட்ட மின் உற்பத்தி நிறுவனங்களின் விரிவாக்கத் தேவைகள், மின்சார வாகனங்கள் மற்றும் அவற்றுக்கான மின்கல உற்பத்தி உள்ளிட்டவற்றுக்கு லித்தியம், நிக்கல், கோபால்ட், செம்பு உள்ளிட்ட முக்கிய கனிமங்களின் தேவை அதிகரித்துள்ளதைக் கருத்தில் கொண்டு, தேசிய முக்கிய கனிமங்கள் திட்டத்துக்கு ஒப்புதல் அளிக்கப்பட்டுள்ளது.
- இந்தியாவின் பசுமை எரிசக்தித் துறையில் தன்னிறைவை அடையும் வகையில் 7 ஆண்டுகள் செயல்படுத்தப்படவுள்ளது.
- இத் திட்டம், நிலப் பரப்பில் மட்டுமின்றி கடல் பரப்பிலும் முக்கிய கனிமங்களின் ஆய்வை ஊக்குவிப்பதை நோக்கமாக கொண்டது.
கலைஞரின் கனவு இல்லம்:
- 2024-25 கலைஞரின் கனவு இல்லம் திட்டத்திற்கு தமிழ்நாடு அரசால் மேலும் ரூ 500 கோடி நிதி ஒதுக்கீடு செய்து முதல்வர் மு.க.ஸ்டாலின் அறிவித்துள்ளார்.
- “கலைஞரின் கனவு இல்லம்” திட்டத்தின் கீழ் 2024-25 ஆம் ஆண்டில் ஒரு லட்சம் புதிய கான்கிரீட் வீடுகள் கட்டுவதற்கு ஒரு வீட்டிற்கு ரூ 3,50,000/- வீதம் மொத்தம் ரூ.3500 கோடி நிதி ஒதுக்கீட்டிற்கு அனுமதி ஆணை வழங்கப்பட்டுள்ளது.
- தமிழ்நாட்டில் கிராமப்புற பகுதிகளில் ஏறத்தாழ 8 லட்சம் குடிசை வீடுகள் உள்ளதாக “அனைவருக்கும் வீடு” என்ற கணக்கெடுப்பின் வழியாக கண்டறியப்பட்டதன் அடிப்படையில் “குடிசையில்லா தமிழ்நாடு” என்ற இலக்கினை அடையும் பொருட்டு, எதிர்வரும் 2030-ஆம் ஆண்டிற்குள் ஊரக பகுதிகளில் 6 வருடங்களில் 8 லட்சம் வீடுகள் புதியதாக கட்டித்தர அறிவிப்பு வெளியிடப்பட்டது.
ஜனவரி 29: இந்திய செய்தித்தாள் தினம்.
- இந்தியாவில் செய்தித்தாள்களின் தொடக்கத்தை கௌரவிக்க மற்றும் இந்திய செய்தித்தாள்கள் பற்றிய விழிப்புணர்வை ஏற்படுத்த இந்திய செய்தித்தாள் தினம் கொண்டாடப்படுகிறது.
ஜனவரி 30: தியாகிகள் தினம்.
- மகாத்மா காந்தி மற்றும் இந்தியாவின் மூன்று புரட்சியாளர்களின் தியாகத்தை நினைவுகூரும் வகையில் ஜனவரி 30 – ஆம் தேதி ஒவ்வொரு ஆண்டும் தியாகிகள் தினம் கொண்டாடப்படுகிறது.
- ஜனவரி 30, 1948 இல், ‘தேசத்தின் தந்தை’ படுகொலை செய்யப்பட்டார்.
- மார்ச் 23 அன்று பகத் சிங், சிவராம் ராஜ்குரு, சுகதேவ் தாப்பர் ஆகியோர்கள் ஆங்கிலேயர்களால் தூக்கிலிடப்பட்டனர்.
ஜனவரி 30: உலக தொழுநோய் தினம்.
- ஜனவரி மாதத்தின் கடைசி ஞாயிற்றுக்கிழமையன்று குழந்தைகளில் தொழுநோய் தொடர்பான குறைபாடுகளின் பூஜ்ஜிய நிகழ்வுகளின் இலக்கை மையமாகக் கொண்டு உலக தொழுநோய் தினம் அனுசரிக்கப்படுகிறது.
தகவல் துளிகள்:
- தேசிய விளையாட்டுப் போட்டிகளை பிரதமர் மோடி உத்தரகண்ட் மாநில தலைநகர் டேராடூனில் தொடங்கி வைத்தார்.
- பண்டைய பழங்குடியின மக்களுக்கான பிரதம மந்திரியின் பெருந்திட்டத்தின் கீழ் தமிழ்நாட்டில் குடியிருக்கும் தோடா, இருளர், பனியன், காட்டுநாயக்கன், கோட்டா மற்றும் குரும்பா ஆகிய ஆறு பழங்குடியினர்களுக்கு வீடுகள் வழங்கப்பட்டு வருகிறது.
- பண்டைய பழங்குடியின மக்களுக்கான பிரதம மந்திரியின் பெருந்திட்டத்தின் கீழ் 2023-24 ஆம் ஆண்டிற்கான இலக்காக 4811 வீடுகளை ஒன்றிய அரசு நிர்ணயித்துள்ளது.
- மேற்கு ஆப்பிரிக்க பிராந்திய நாடுகளின் கூட்டமைப்பிலிருந்து (எகோவாஸ்)புா்கினா ஃபாசோ, நைஜா், மாலி ஆகிய நாடுகள் அதிகாரபூா்வமாக விலகின.
- மேற்கு ஆப்பிரிக்க நாடுகளிடையே பொருளாதார ஒத்துழைப்பை மேம்படுத்துவதற்காக எகோவாஸ் கூட்டமைப்பு 15 உறுப்பு நாடுகளுடன் கடந்த 1975-ஆம் ஆண்டு அமைக்கப்பட்டது.
- உத்தரகாண்ட் மாநிலம் டேராடூனில் நடைபெற்று வரும் தேசிய விளையாட்டுப் போட்டிகளில் நீச்சல், ட்ரையத்லானில் தமிழகம் தலா ஒரு தங்கம், வெள்ளி, 2 வெண்கலப் பதக்கத்தை வென்றுள்ளது.
- தேசிய விளையாட்டுப் போட்டி நீச்சலில் ஆடவா் 100 மீ. பட்டா்பிளை பிரிவில் தமிழக வீரா் ரோஹித் பெனடிக்டன் தங்கம் வென்றார்.